३. तिस्सब्रह्मासुत्तवण्णना

५६. ततिये विवित्तानि तादिसानि पन परियन्तानि अतिदूरानि होन्तीति आह ‘‘अन्तिमपरियन्तिमानी’’ति. अन्ते भवानि अन्तिमानि, अन्तिमानियेव परियन्तिमानि. उभयेनपि अतिदूरतं दस्सेति. समन्नाहारे ठपयमानोति इन्द्रियं समाकारेन वत्तेन्तो इन्द्रियसमतं पटिपादेन्तो नाम होति. विपस्सनाचित्तसम्पयुत्तो समाधि, सतिपि सङ्खारनिमित्ताविरहे निच्चनिमित्तादिविरहतो ‘‘अनिमित्तो’’ति वुच्चतीति आह ‘‘अनिमित्तन्ति बलवविपस्सनासमाधि’’न्ति.

तिस्सब्रह्मासुत्तवण्णना निट्ठिता.