७. सोप्पसुत्तवण्णना

१७. सत्तमे पटिसल्लाना वुट्ठितोति एत्थ पटिसल्लानन्ति तेहि तेहि सद्धिविहारिकअन्तेवासिकउपासकादिसत्तेहि चेव रूपारम्मणादिसङ्खारेहि च पटिनिवत्तित्वा अपसक्कित्वा निलीयनं विवेचनं. कायचित्तेहि ततो विवित्तो एकीभावो पविवेकोति आह ‘‘एकीभावाया’’तिआदि. एकीभावतोति च इमिना कायविवेकतो वुट्ठानमाह. धम्मनिज्झानक्खन्तितोतिआदिना चित्तविवेकतो. वुट्ठितोति ततो दुविधविवेकतो भवङ्गुप्पत्तिया सब्रह्मचारीहि समागमेन उपेतो.

सोप्पसुत्तवण्णना निट्ठिता.