६-७. कालदानसुत्तादिवण्णना

३६-३७. छट्ठे आरामतोति फलारामतो. पठमुप्पन्नानीति सब्बपठमं सुजातानि. भासितञ्ञूति भिक्खू घरद्वारे ठिता किञ्चापि तुण्ही होन्ति, अत्थतो पन ‘‘भिक्खं देथा’’ति वदन्ति नाम अरियाय याचनाय. वुत्तञ्हेतं ‘‘उद्धिस्स अरिया तिट्ठन्ति, एसा अरियानं याचना’’ति. तत्र ये ‘‘मयं पचाम, इमे न पचन्ति, पचमाने पत्वा अलभन्ता कुहिं लभिस्सन्ती’’ति देय्यधम्मं संविभजन्ति, ते भासितञ्ञू नाम ञत्वा कत्तब्बस्स करणतो. युत्तप्पत्तकालेति दातुं युत्तप्पत्तकाले. अप्पटिवानचित्तोति अनिवत्तनचित्तो. सत्तमं उत्तानमेव.

कालदानसुत्तादिवण्णना निट्ठिता.