१. अननुस्सुतसुत्तवण्णना

११. दुतियस्स पठमे अभिजानित्वाति अभिविसिट्ठेन ञाणेन जानित्वा. अट्ठहि कारणेहि तथागतस्साति ‘‘तथा आगतोति तथागतो. तथा गतोति तथागतो. तथलक्खणं आगतोति तथागतो. तथधम्मे याथावतो अभिसम्बुद्धोति तथागतो. तथदस्सिताय तथागतो. तथावादिताय तथागतो. तथाकारिताय तथागतो. अभिभवनट्ठेन तथागतो’’ति एवं वुत्तेहि अट्ठहि कारणेहि. उसभस्स इदन्ति आसभं, सेट्ठट्ठानं. तेनाह ‘‘आसभं ठानन्ति सेट्ठट्ठान’’न्ति. परतो दस्सितबलयोगेन ‘‘दसबलोह’’न्ति अभीतनादं नदति. ब्रह्मचक्कन्ति एत्थ सेट्ठपरियायो. ब्रह्मसद्दोति आह ‘‘सेट्ठचक्क’’न्ति. चक्कञ्चेतं धम्मचक्कं अधिप्पेतं.

अननुस्सुतसुत्तवण्णना निट्ठिता.