७-८. वणिज्जासुत्तादिवण्णना

१७७-८. सत्तमे सत्थवणिज्जाति आवुधभण्डं कत्वा वा कारेत्वा वा कतं वा पटिलभित्वा तस्स विक्कयो. आवुधभण्डं कारेत्वा तस्स विक्कयोति इदं पन निदस्सनमत्तं. सूकरमिगादयो पोसेत्वा तेसं विक्कयोति सूकरमिगादयो पोसेत्वा तेसं मंसं सम्पादेत्वा विक्कयो. एत्थ च सत्थवणिज्जा परोपराधनिमित्तताय अकरणीया वुत्ता, सत्तवणिज्जा अभुजिस्सभावकरणतो, मंसविसवणिज्जा वधहेतुतो, मज्जवणिज्जा पमादट्ठानतो. अट्ठमं उत्तानमेव.

वणिज्जासुत्तादिवण्णना निट्ठिता.