१०. भद्दजिसुत्तवण्णना

१७०. दसमे अभिभवित्वा ठितो इमे सत्तेति अधिप्पायो. यस्मा पन सो ‘‘पासंसभावेन उत्तमभावेन च ते सत्ते अभिभवित्वा ठितो’’ति अत्तानं मञ्ञति, तस्मा वुत्तं ‘‘जेट्ठको’’ति. अञ्ञदत्थु दसोति दस्सने अन्तरायाभाववचनेन ञेय्यविसेसपरिग्गाहिकभावेन च अनावरणदस्सावितं पटिजानातीति आह ‘‘सब्बं पस्सतीति अधिप्पायो’’ति.

भद्दजिसुत्तवण्णना निट्ठिता.

आघातवग्गवण्णना निट्ठिता.