९-१०. वणिज्जसुत्तादिवण्णना

७९-८०. नवमे तंसदिसाति यादिसा वणिज्जा पयुत्ता अयथाधिप्पाया अञ्ञा वा सम्पज्जति, तादिसावाति अत्थो. छेदं गच्छतीति विनासं पापुणाति. अधिप्पायतो परा विसिट्ठाति पराधिप्पायो. तेनेवाह ‘‘अज्झासयतो अधिकतरफला होती’’ति. चीवरादिना पच्चयेन वदेय्यासीति चीवरादिपच्चयहेतु मं वदेय्यासि पत्थेय्यासि. अथ वा यदा चीवरादिना पच्चयेन अत्थो होति, तदा मं याचेय्यासीति अत्थो. सेसं सुविञ्ञेय्यमेव. दसमं उत्तानमेव.

वणिज्जसुत्तादिवण्णना निट्ठिता.

अपण्णकवग्गवण्णना निट्ठिता.