१०. उदायिसुत्तवण्णना

४०. दसमे पाणसमारम्भरहितन्ति पाणघातरहितं. अब्याबज्झं सुखं लोकं, पण्डितो उपपज्जतीति कामच्छन्दादिब्यापादविरहितत्ता अब्याबज्झं निद्दुक्खं. परपीळाभावे पन वत्तब्बं नत्थि. झानसमापत्तिवसेन सुखबहुलत्ता सुखं एकन्तसुखं ब्रह्मलोकं झानपुञ्ञेन, इतरपुञ्ञेन पन तदञ्ञसम्पत्तिभवसङ्खातं सुखं लोकं पण्डितो सप्पञ्ञो उपेति. सेसं उत्तानमेव.

उदायिसुत्तवण्णना निट्ठिता.

चक्कवग्गवण्णना निट्ठिता.