६. कटुवियसुत्तवण्णना

१२९. छट्ठे गावीनं कयविक्कयवसेन योगो एत्थाति गोयोगो, कयविक्कयं करोन्तो गावीहि युज्जन्ति एत्थाति वा गोयोगो, गावीनं विक्कयट्ठानं. तत्थ जातो पिलक्खरुक्खो गोयोगपिलक्खो, तस्मिं. समीपत्थे चेतं भुम्मवचनं. तेनाह ‘‘गावीनं विक्कयट्ठाने उट्ठितपिलक्खस्स सन्तिके’’ति. रित्तो अस्सादो एतस्साति रित्तस्सादो. तेनाह ‘‘झानसुखाभावेन रित्तस्साद’’न्ति. सेसमेत्थ उत्तानमेव.

कटुवियसुत्तवण्णना निट्ठिता.