४. चतुत्थपण्णासकं

१५५-१६६. चतुत्थस्स पठमवग्गो उत्तानत्थोयेव.

१-४४. ब्राह्मणपच्चोरोहणीसुत्तादिवण्णना

१६७-२१०. दुतिये च पठमादीनि उत्तानत्थानि. दसमे पच्छाभूमिवासिनोति पच्चन्तदेसवासिनो. सेवालमालिकाति पातोव उदकं ओरोहित्वा सेवालञ्चेव उप्पलादीनि च गहेत्वा अत्तनो उदकसुद्धिकभावजाननत्थञ्चेव ‘‘लोकस्स च उदकेन सुद्धि होती’’ति इमस्स अत्थस्स जाननत्थञ्च मालं कत्वा पिलन्धनका. उदकोरोहकाति पातो मज्झन्हे सायन्हे च उदकओरोहणका. तेनाह ‘‘सायततियकं उदकोरोहणानुयोगमनुयुत्ता’’ति. एकादसमादीनि उत्तानत्थानि. चतुत्थे पण्णासके नत्थि वत्तब्बं.

ब्राह्मणपच्चोरोहणीसुत्तादिवण्णना निट्ठिता.

चतुत्थपण्णासकं निट्ठितं.