९. ततियआमकधञ्ञपेय्यालवग्गो

१. नच्चगीतसुत्तं

११५१. …पे….

‘‘एवमेव खो, भिक्खवे, अप्पका ते सत्ता ये नच्चगीतवादितविसूकदस्सना पटिविरता; अथ खो एतेव बहुतरा सत्ता ये नच्चगीतवादितविसूकदस्सना अप्पटिविरता. तं किस्स हेतु…पे…. पठमं.

२. उच्चासयनसुत्तं

११५२. …पे… ‘‘एवमेव खो, भिक्खवे, अप्पका ते सत्ता ये उच्चासयनमहासयना पटिविरता; अथ खो एतेव बहुतरा सत्ता ये उच्चासयनमहासयना अप्पटिविरता…पे…. दुतियं.

३. जातरूपरजतसुत्तं

११५३. …पे… ‘‘एवमेव खो, भिक्खवे, अप्पका ते सत्ता ये जातरूपरजतपटिग्गहणा पटिविरता; अथ खो एतेव बहुतरा सत्ता ये जातरूपरजतपटिग्गहणा अप्पटिविरता…पे…. ततियं.

४. आमकधञ्ञसुत्तं

११५४. …पे… ‘‘एवमेव खो, भिक्खवे, अप्पका ते सत्ता ये आमकधञ्ञपटिग्गहणा पटिविरता; अथ खो एतेव बहुतरा सत्ता ये आमकधञ्ञपटिग्गहणा अप्पटिविरता…पे…. चतुत्थं.

५. आमकमंससुत्तं

११५५. …पे… ‘‘एवमेव खो, भिक्खवे, अप्पका ते सत्ता ये आमकमंसपटिग्गहणा पटिविरता; अथ खो एतेव बहुतरा सत्ता ये आमकमंसपटिग्गहणा अप्पटिविरता…पे…. पञ्चमं.

६. कुमारिकसुत्तं

११५६. …पे… ‘‘एवमेव खो, भिक्खवे, अप्पका ते सत्ता ये इत्थिकुमारिकपटिग्गहणा [इत्थिकुमारिकापटिग्गहणा (क.)] पटिविरता; अथ खो एतेव बहुतरा सत्ता ये इत्थिकुमारिकपटिग्गहणा अप्पटिविरता…पे…. छट्ठं.

७. दासिदाससुत्तं

११५७. …पे… ‘‘एवमेव खो, भिक्खवे, अप्पका ते सत्ता ये दासिदासपटिग्गहणा [दासीदासपटिग्गहणा (स्या. कं. पी.)] पटिविरता; अथ खो एतेव बहुतरा सत्ता ये दासिदासपटिग्गहणा अप्पटिविरता…पे…. सत्तमं.

८. अजेळकसुत्तं

११५८. …पे… ‘‘एवमेव खो, भिक्खवे, अप्पका ते सत्ता ये अजेळकपटिग्गहणा पटिविरता; अथ खो एतेव बहुतरा सत्ता ये अजेळकपटिग्गहणा अप्पटिविरता…पे…. अट्ठमं.

९. कुक्कुटसूकरसुत्तं

११५९. …पे… ‘‘एवमेव खो, भिक्खवे, अप्पका ते सत्ता ये कुक्कुटसूकरपटिग्गहणा पटिविरता; अथ खो एतेव बहुतरा सत्ता ये कुक्कुटसूकरपटिग्गहणा अप्पटिविरता…पे…. नवमं.

१०. हत्थिगवस्ससुत्तं

११६०. …पे… ‘‘एवमेव खो, भिक्खवे, अप्पका ते सत्ता ये हत्थिगवस्सवळवपटिग्गहणा [हत्थिगवस्सवळवापटिग्गहणा (स्या. कं. पी. क.)] पटिविरता; अथ खो एतेव बहुतरा सत्ता ये हत्थिगवस्सवळवपटिग्गहणा अप्पटिविरता…पे…. दसमं.

ततियआमकधञ्ञपेय्यालवग्गो नवमो.

तस्सुद्दानं –

नच्चं सयनं रजतं, धञ्ञं मंसं कुमारिका;

दासी अजेळकञ्चेव, कुक्कुटसूकरहत्थीति.