१०. चतुत्थआमकधञ्ञपेय्यालवग्गो

१. खेत्तवत्थुसुत्तं

११६१. …पे… ‘‘एवमेव खो, भिक्खवे, अप्पका ते सत्ता ये खेत्तवत्थुपटिग्गहणा पटिविरता; अथ खो एतेव बहुतरा सत्ता ये खेत्तवत्थुपटिग्गहणा अप्पटिविरता…पे…. पठमं.

२. कयविक्कयसुत्तं

११६२. …पे… ‘‘एवमेव खो, भिक्खवे, अप्पका ते सत्ता ये कयविक्कया पटिविरता; अथ खो एतेव बहुतरा सत्ता ये कयविक्कया अप्पटिविरता…पे…. दुतियं.

३. दूतेय्यसुत्तं

११६३. …पे… ‘‘एवमेव खो, भिक्खवे, अप्पका ते सत्ता ये दूतेय्यपहिनगमनानुयोगा पटिविरता; अथ खो एतेव बहुतरा सत्ता ये दूतेय्यपहिनगमनानुयोगा अप्पटिविरता…पे…. ततियं.

४. तुलाकूटसुत्तं

११६४. …पे… ‘‘एवमेव खो, भिक्खवे, अप्पका ते सत्ता ये तुलाकूटकंसकूटमानकूटा पटिविरता; अथ खो एतेव बहुतरा सत्ता ये तुलाकूटकंसकूटमानकूटा अप्पटिविरता…पे…. चतुत्थं.

५. उक्कोटनसुत्तं

११६५. …पे… ‘‘एवमेव खो, भिक्खवे, अप्पका ते सत्ता ये उक्कोटनवञ्चननिकतिसाचियोगा [उक्कोटनवञ्चननिकतिसावियोगा (स्या. कं. पी. क.)] पटिविरता; अथ खो एतेव बहुतरा सत्ता ये उक्कोटनवञ्चननिकतिसाचियोगा अप्पटिविरता…पे…. पञ्चमं.

६-११. छेदनादिसुत्तं

११६६-११७१. …पे… एवमेव खो, भिक्खवे, अप्पका ते सत्ता ये छेदनवधबन्धनविपरामोसआलोपसहसाकारा [साहसाकारा (क.)] पटिविरता; अथ खो एतेव बहुतरा सत्ता ये छेदनवधबन्धनविपरामोसआलोपसहसाकारा अप्पटिविरता. तं किस्स हेतु? अदिट्ठत्ता भिक्खवे, चतुन्नं अरियसच्चानं. कतमेसं चतुन्नं? दुक्खस्स अरियसच्चस्स…पे… दुक्खनिरोधगामिनिया पटिपदाय अरियसच्चस्स’’.

‘‘तस्मातिह, भिक्खवे, ‘इदं दुक्ख’न्ति योगो करणीयो…पे… ‘अयं दुक्खनिरोधगामिनी पटिपदा’ति योगो करणीयो’’ति. एकादसमं.

चतुत्थआमकधञ्ञपेय्यालवग्गो दसमो.

तस्सुद्दानं –

खेत्तं कायं दूतेय्यञ्च, तुलाकूटं उक्कोटनं;

छेदनं वधबन्धनं, विपरालोपं साहसन्ति.