८. दुतियआमकधञ्ञपेय्यालवग्गो

१. पाणातिपातसुत्तं

११४१. …पे… ‘‘एवमेव खो, भिक्खवे, अप्पका ते सत्ता ये पाणातिपाता पटिविरता; अथ खो एतेव बहुतरा सत्ता ये पाणातिपाता अप्पटिविरता. तं किस्स हेतु? …पे…. पठमं.

२. अदिन्नादानसुत्तं

११४२. …पे… ‘‘एवमेव खो, भिक्खवे, अप्पका ते सत्ता ये अदिन्नादाना पटिविरता; अथ खो एतेव बहुतरा सत्ता ये अदिन्नादाना अप्पटिविरता…पे…. दुतियं.

३. कामेसुमिच्छाचारसुत्तं

११४३. …पे… ‘‘एवमेव खो, भिक्खवे, अप्पका ते सत्ता ये कामेसुमिच्छाचारा पटिविरता; अथ खो एतेव बहुतरा सत्ता ये कामेसुमिच्छाचारा अप्पटिविरता…पे…. ततियं.

४. मुसावादसुत्तं

११४४. …पे… ‘‘एवमेव खो, भिक्खवे, अप्पका ते सत्ता ये मुसावादा पटिविरता; अथ खो एतेव बहुतरा सत्ता ये मुसावादा अप्पटिविरता…पे…. चतुत्थं.

५. पेसुञ्ञसुत्तं

११४५. …पे… ‘‘एवमेव खो, भिक्खवे, अप्पका ते सत्ता ये पिसुणाय वाचाय पटिविरता; अथ खो एतेव बहुतरा सत्ता ये पिसुणाय वाचाय अप्पटिविरता…पे…. पञ्चमं.

६. फरुसवाचासुत्तं

११४६. …पे… ‘‘एवमेव खो, भिक्खवे, अप्पका ते सत्ता ये फरुसाय वाचाय पटिविरता; अथ खो एतेव बहुतरा सत्ता ये फरुसाय वाचाय अप्पटिविरता…पे…. छट्ठं.

७. सम्फप्पलापसुत्तं

११४७. …पे… ‘‘एवमेव खो, भिक्खवे, अप्पका ते सत्ता ये सम्फप्पलापा पटिविरता; अथ खो एतेव बहुतरा सत्ता ये सम्फप्पलापा अप्पटिविरता…पे…. सत्तमं.

८. बीजगामसुत्तं

११४८. …पे… ‘‘एवमेव खो, भिक्खवे, अप्पका ते सत्ता ये बीजगामभूतगामसमारम्भा [बीजगामभूतगामसमारब्भा (क.)] पटिविरता; अथ खो एतेव बहुतरा सत्ता ये बीजगामभूतगामसमारम्भा अप्पटिविरता…पे…. अट्ठमं.

९. विकालभोजनसुत्तं

११४९. …पे… ‘‘एवमेव खो, भिक्खवे, अप्पका ते सत्ता ये विकालभोजना पटिविरता; अथ खो एतेव बहुतरा सत्ता ये विकालभोजना अप्पटिविरता…पे…. नवमं.

१०. गन्धविलेपनसुत्तं

११५०. …पे… ‘‘एवमेव खो, भिक्खवे, अप्पका ते सत्ता ये मालागन्धविलेपनधारणमण्डनविभूसनट्ठाना पटिविरता; अथ खो एतेव बहुतरा सत्ता ये मालागन्धविलेपनधारणमण्डनविभूसनट्ठाना अप्पटिविरता…पे…. दसमं.

दुतियआमकधञ्ञपेय्यालवग्गो अट्ठमो.

तस्सुद्दानं –

पाणं अदिन्नं कामेसु, मुसावादञ्च पेसुञ्ञं;

फरुसं सम्फप्पलापं, बीजञ्च विकालं गन्धन्ति.