५. सम्फस्सजसुत्तं

३१६. सावत्थिनिदानं. ‘‘यो खो, भिक्खवे, चक्खुसम्फस्सजाय वेदनाय उप्पादो ठिति…पे… जरामरणस्स पातुभावो…पे….

यो मनोसम्फस्सजाय वेदनाय उप्पादो ठिति…पे… जरामरणस्स पातुभावो. यो च खो, भिक्खवे, चक्खुसम्फस्सजाय वेदनाय निरोधो वूपसमो…पे… जरामरणस्स अत्थङ्गमो…पे… यो मनोसम्फस्सजाय वेदनाय निरोधो वूपसमो अत्थङ्गमो, दुक्खस्सेसो निरोधो, रोगानं वूपसमो, जरामरणस्स अत्थङ्गमो’’ति. पञ्चमं.