५. उब्बिरिथेरीगाथा

५१. ‘‘अम्म जीवाति वनम्हि कन्दसि, अत्तानं अधिगच्छ उब्बिरि;

चुल्लासीतिसहस्सानि [चूळासीतिसहस्सानि (सी.)], सब्बा जीवसनामिका;

एतम्हाळाहने दड्ढा, तासं कमनुसोचसि.

५२. ‘‘अब्बही [अब्बुती (स्या.), अब्बुळ्हं (क.)] वत मे सल्लं, दुद्दसं हदयस्सितं [हदयनिस्सितं (सी. स्या.)];

यं मे सोकपरेताय, धीतुसोकं ब्यपानुदि.

५३. ‘‘साज्ज अब्बूळ्हसल्लाहं, निच्छाता परिनिब्बुता;

बुद्धं धम्मञ्च सङ्घञ्च, उपेमि सरणं मुनि’’न्ति.

… उब्बिरी थेरी….