४२. परियोगाहणञाणनिद्देसो

९३. कथं फुट्ठत्ता पञ्ञा परियोगाहणे ञाणं? रूपं अनिच्चतो फुसति, रूपं दुक्खतो फुसति, रूपं अनत्ततो फुसति. यं यं फुसति तं तं परियोगाहतीति – फुट्ठत्ता पञ्ञा परियोगाहणे ञाणं. वेदनं…पे… सञ्ञं… सङ्खारे… विञ्ञाणं… चक्खुं…पे… जरामरणं अनिच्चतो फुसति, दुक्खतो फुसति, अनत्ततो फुसति. यं यं फुसति तं तं परियोगाहतीति – फुट्ठत्ता पञ्ञा परियोगाहणे ञाणं. तं ञातट्ठेन ञाणं, पजाननट्ठेन पञ्ञा. तेन वुच्चति – ‘‘फुट्ठत्ता पञ्ञा परियोगाहणे ञाणं’’.

परियोगाहणञाणनिद्देसो द्वेचत्तालीसमो.