२. बुद्धगुणसतिपटिलाभपञ्हो

२. राजा आह ‘‘भन्ते नागसेन, तुम्हे एतं भणथ ‘यो वस्ससतं अकुसलं करेय्य, मरणकाले च एकं बुद्धगुणं सतिं पटिलभेय्य, सो देवेसु उप्पज्जेय्या’ति एतं न सद्दहामि, एवञ्च पन वदेथ ‘एतेन पाणातिपातेन निरये उप्पज्जेय्या’ति एतम्पि न सद्दहामी’’ति.

‘‘तं किं मञ्ञसि, महाराज, खुद्दकोपि पासाणो विना नावाय उदके उप्पिलवेय्या’’ति. ‘‘न हि, भन्ते’’ति. ‘‘किं नु खो, महाराज, वाहसतम्पि पासाणानं नावाय आरोपितं उदके उप्पिलवेय्या’’ति? ‘‘आम, भन्ते’’ति. ‘‘यथा, महाराज, नावा, एवं कुसलानि कम्मानि दट्ठब्बानी’’ति.

‘‘कल्लोसि, भन्ते नागसेना’’ति.

बुद्धगुणसतिपटिलाभपञ्हो दुतियो.