३. बुद्धस्स अनुत्तरभावजाननपञ्हो

३. राजा आह ‘‘भन्ते नागसेन, सक्का जानितुं ‘बुद्धो अनुत्तरो’’’ति? ‘‘आम, महाराज, सक्का जानितुं ‘भगवा अनुत्तरो’’’ति. ‘‘कथं, भन्ते नागसेन, सक्का जानितुं ‘बुद्धो अनुत्तरो’’’ति. ‘‘भूतपुब्बं, महाराज, तिस्सत्थेरो नाम लेखाचरियो अहोसि, बहूनि वस्सानि अब्भतीतानि कालङ्कतस्स कथं सो ञायती’’ति. ‘‘लेखेन भन्ते’’ति. ‘‘एवमेव खो, महाराज, यो धम्मं पस्सति, सो भगवन्तं पस्सति, धम्मो हि, महाराज, भगवता देसितो’’ति.

‘‘कल्लोसि, भन्ते नागसेना’’ति.

बुद्धस्स अनुत्तरभावजाननपञ्हो ततियो.