३. पञ्चायतनकम्मनिब्बत्तपञ्हो

३. राजा आह ‘‘भन्ते नागसेन, यानिमानि पञ्चायतनानि, किं नु तानि नानाकम्मेहि निब्बत्तानि, उदाहु एकेन कम्मेना’’ति? ‘‘नानाकम्मेहि, महाराज, निब्बत्तानि, न एकेन कम्मेना’’ति.

‘‘ओपम्मं करोही’’ति. ‘‘तं किं मञ्ञसि, महाराज, एकस्मिं खेत्ते नानाबीजानि वप्पेय्युं, तेसं नानाबीजानं नानाफलानि निब्बत्तेय्यु’’न्ति? ‘‘आम, भन्ते, निब्बत्तेय्यु’’न्ति. ‘‘एवमेव खो, महाराज, यानि यानि पञ्चायतनानि, तानि तानि नानाकम्मेहि निब्बत्तानि, न एकेन कम्मेना’’ति.

‘‘कल्लोसि, भन्ते नागसेना’’ति.