५. नागपुप्फियत्थेरअपदानं

२३. ‘‘सुवण्णवण्णं सम्बुद्धं, आहुतीनं पटिग्गहं;

रथियं पटिपज्जन्तं, नागपुप्फं अपूजयिं.

२४. ‘‘एकनवुतितो कप्पे, यं पुप्फमभिपूजयिं;

दुग्गतिं नाभिजानामि, बुद्धपूजायिदं फलं.

२५. ‘‘किलेसा झापिता मय्हं…पे… विहरामि अनासवो.

२६. ‘‘स्वागतं वत मे आसि…पे… कतं बुद्धस्स सासनं.

२७. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा नागपुप्फियो थेरो इमा गाथायो

अभासित्थाति.

नागपुप्फियत्थेरस्सापदानं पञ्चमं.