४. सुमनबीजनियत्थेरअपदानं

४६. ‘‘विपस्सिनो भगवतो, बोधिया पादपुत्तमे;

सुमनो बीजनिं गय्ह, अबीजिं बोधिमुत्तमं.

४७. ‘‘एकनवुतितो कप्पे, अबीजिं बोधिमुत्तमं;

दुग्गतिं नाभिजानामि, बीजनाय इदं फलं.

४८. ‘‘किलेसा झापिता मय्हं…पे… विहरामि अनासवो.

४९. ‘‘स्वागतं वत मे आसि…पे… कतं बुद्धस्स सासनं.

५०. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सुमनबीजनियो थेरो इमा गाथायो

अभासित्थाति.

सुमनबीजनियत्थेरस्सापदानं चतुत्थं.