६. अवटफलियत्थेरअपदानं

२६. ‘‘सतरंसी नाम भगवा, सयम्भू अपराजितो;

विवेककामो सम्बुद्धो, गोचरायाभिनिक्खमि.

२७. ‘‘फलहत्थो अहं दिस्वा, उपगच्छिं नरासभं;

पसन्नचित्तो सुमनो, अदासिं अवटं फलं.

२८. ‘‘चतुन्नवुतितो कप्पे, यं फलं अददिं तदा;

दुग्गतिं नाभिजानामि, फलदानस्सिदं फलं.

२९. ‘‘किलेसा झापिता मय्हं…पे… विहरामि अनासवो.

३०. ‘‘स्वागतं वत मे आसि…पे… कतं बुद्धस्स सासनं.

३१. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा अवटफलियो थेरो इमा गाथायो

अभासित्थाति.

अवटफलियत्थेरस्सापदानं छट्ठं.