२. चितकपूजकत्थेरअपदानं

६. ‘‘झायमानस्स भगवतो, सिखिनो लोकबन्धुनो;

अट्ठ चम्पकपुप्फानि, चितकं अभिरोपयिं.

७. ‘‘एकतिंसे इतो कप्पे, यं पुप्फमभिरोपयिं;

दुग्गतिं नाभिजानामि, चितपूजायिदं फलं.

८. ‘‘किलेसा झापिता मय्हं…पे… विहरामि अनासवो.

९. ‘‘स्वागतं वत मे आसि…पे… कतं बुद्धस्स सासनं.

१०. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा चितकपूजको थेरो इमा गाथायो

अभासित्थाति.

चितकपूजकत्थेरस्सापदानं दुतियं.