३. चितकनिब्बापकत्थेरअपदानं

११. ‘‘दय्हमाने सरीरम्हि, वेस्सभुस्स महेसिनो;

गन्धोदकं गहेत्वान, चितं निब्बापयिं अहं.

१२. ‘‘एकतिंसे इतो कप्पे, चितं निब्बापयिं अहं;

दुग्गतिं नाभिजानामि, गन्धोदकस्सिदं फलं.

१३. ‘‘किलेसा झापिता मय्हं…पे… विहरामि अनासवो.

१४. ‘‘स्वागतं वत मे आसि…पे… कतं बुद्धस्स सासनं.

१५. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा चितकनिब्बापको थेरो इमा

गाथायो अभासित्थाति.

चितकनिब्बापकत्थेरस्सापदानं ततियं.