३. सीहासनबीजियत्थेरअपदानं

१७. ‘‘तिस्सस्साहं भगवतो, बोधिरुक्खमवन्दियं;

पग्गय्ह बीजनिं तत्थ, सीहासनमबीजहं [मबीजयिं (सी.), मविज्जहं (स्या.)].

१८. ‘‘द्वेनवुते इतो कप्पे, सीहासनमबीजहं;

दुग्गतिं नाभिजानामि, बीजनाय इदं फलं.

१९. ‘‘किलेसा झापिता मय्हं…पे… विहरामि अनासवो.

२०. ‘‘स्वागतं वत मे आसि…पे… कतं बुद्धस्स सासनं.

२१. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सीहासनबीजियो थेरो इमा

गाथायो अभासित्थाति.

सीहासनबीजियत्थेरस्सापदानं ततियं.