४. तिणुक्कधारियत्थेरअपदानं

२२. ‘‘पदुमुत्तरबुद्धस्स, बोधिया पादपुत्तमे;

पसन्नचित्तो सुमनो, तयो उक्के अधारयिं.

२३. ‘‘सतसहस्सितो कप्पे, सोहं उक्कमधारयिं;

दुग्गतिं नाभिजानामि, उक्कदानस्सिदं फलं.

२४. ‘‘किलेसा झापिता मय्हं…पे… विहरामि अनासवो.

२५. ‘‘स्वागतं वत मे आसि…पे… कतं बुद्धस्स सासनं.

२६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा तिणुक्कधारियो थेरो इमा गाथायो

अभासित्थाति.

तिणुक्कधारियत्थेरस्सापदानं चतुत्थं.