६. वल्लिफलदायकत्थेरअपदानं

३१. ‘‘सब्बे जना समागम्म, अगमिंसु वनं तदा;

फलमन्वेसमाना ते, अलभिंसु फलं तदा.

३२. ‘‘तत्थद्दसासिं सम्बुद्धं, सयम्भुं अपराजितं;

पसन्नचित्तो सुमनो, वल्लिफलमदासहं.

३३. ‘‘एकत्तिंसे इतो कप्पे, यं फलमददिं तदा;

दुग्गतिं नाभिजानामि, फलदानस्सिदं फलं.

३४. ‘‘किलेसा झापिता मय्हं…पे… विहरामि अनासवो.

३५. ‘‘स्वागतं वत मे आसि…पे… कतं बुद्धस्स सासनं.

३६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा वल्लिफलदायको थेरो इमा गाथायो अभासित्थाति.

वल्लिफलदायकत्थेरस्सापदानं छट्ठं.