६. कदम्बपुप्फियत्थेरअपदानं

२०. ‘‘सुवण्णवण्णं सम्बुद्धं, गच्छन्तं अन्तरापणे;

कञ्चनग्घियसङ्कासं, बात्तिंसवरलक्खणं.

२१. ‘‘निसज्ज पासादवरे, अद्दसं लोकनायकं;

कदम्बपुप्फं पग्गय्ह, विपस्सिं अभिपूजयिं.

२२. ‘‘एकनवुतितो कप्पे, यं बुद्धमभिपूजयिं;

दुग्गतिं नाभिजानामि, बुद्धपूजायिदं फलं.

२३. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा कदम्बपुप्फियो थेरो इमा गाथायो अभासित्थाति.

कदम्बपुप्फियत्थेरस्सापदानं छट्ठं.