१०. एकञ्जलियत्थेरअपदानं

६३. ‘‘रोमसो [रेवतो (सी.)] नाम सम्बुद्धो, नदीकूले वसी तदा;

अद्दसं विरजं बुद्धं, पीतरंसिंव भाणुमं.

६४. ‘‘उक्कामुखपहट्ठंव, खदिरङ्गारसन्निभं;

ओसधिंव विरोचन्तं, एकञ्जलिमकासहं.

६५. ‘‘चतुन्नवुतितो कप्पे, यं अञ्जलिमकासहं;

दुग्गतिं नाभिजानामि, अञ्जलिया इदं फलं.

६६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा एकञ्जलियो थेरो इमा गाथायो अभासित्थाति.

एकञ्जलियत्थेरस्सापदानं दसमं.

एकपदुमियवग्गो पञ्चतिंसतिमो.