३. परमन्नदायकत्थेरअपदानं

९. ‘‘कणिकारंव जोतन्तं, उदयन्तंव भाणुमं;

विपस्सिं अद्दसं बुद्धं, लोकजेट्ठं नरासभं.

१०. ‘‘अञ्जलिं पग्गहेत्वान, अभिनेसिं सकं घरं;

अभिनेत्वान सम्बुद्धं, परमन्नमदासहं.

११. ‘‘एकनवुतितो कप्पे, परमन्नमदिं [परमन्नं ददिं (सी.), परमन्नमदं (स्या.)] तदा;

दुग्गतिं नाभिजानामि, परमन्नस्सिदं फलं.

१२. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा परमन्नदायको थेरो इमा गाथायो अभासित्थाति.

परमन्नदायकत्थेरस्सापदानं ततियं.