२. सब्बगन्धियत्थेरअपदानं

५. ‘‘गन्धमालं मया दिन्नं, विपस्सिस्स महेसिनो;

अदासिं उजुभूतस्स, कोसेय्यवत्थमुत्तमं.

६. ‘‘एकनवुतितो कप्पे, यं वत्थमददिं [गन्धमददिं (स्या.)] पुरे;

दुग्गतिं नाभिजानामि, गन्धदानस्सिदं फलं.

७. ‘‘इतो पन्नरसे कप्पे, सुचेळो नाम खत्तियो;

सत्तरतनसम्पन्नो, चक्कवत्ती महब्बलो.

८. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सब्बगन्धियो थेरो इमा गाथायो अभासित्थाति.

सब्बगन्धियत्थेरस्सापदानं दुतियं.