६. पादपूजकत्थेरअपदानं

२७. ‘‘पब्बते हिमवन्तम्हि, अहोसिं किन्नरो तदा;

अद्दसं विरजं बुद्धं, पीतरंसिंव भाणुमं.

२८. ‘‘उपेतं तमहं [उपेतोपि तदा (स्या.), उपेसिं तमहं (?)] बुद्धं, विपस्सिं लोकनायकं;

चन्दनं तगरञ्चापि, पादे ओसिञ्चहं तदा.

२९. ‘‘एकनवुतितो कप्पे, यं पादं अभिपूजयिं;

दुग्गतिं नाभिजानामि, पादपूजायिदं फलं.

३०. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा पादपूजको थेरो इमा गाथायो अभासित्थाति.

पादपूजकत्थेरस्सापदानं छट्ठं.