४. सद्दसञ्ञकत्थेरअपदानं

१७. ‘‘अनुग्गतम्हि आदिच्चे, पनादो [पसादो (स्या. अट्ठ.)] विपुलो अहु;

बुद्धसेट्ठस्स लोकम्हि, पातुभावो महेसिनो.

१८. ‘‘घोस [सद्द (सी. स्या.)] मस्सोसहं तत्थ, न च पस्सामि तं जिनं;

मरणञ्च अनुप्पत्तो, बुद्धसञ्ञमनुस्सरिं.

१९. ‘‘चतुन्नवुतितो कप्पे, यं सञ्ञमलभिं तदा;

दुग्गतिं नाभिजानामि, बुद्धपूजायिदं फलं.

२०. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सद्दसञ्ञको थेरो इमा गाथायो अभासित्थाति.

सद्दसञ्ञकत्थेरस्सापदानं चतुत्थं.