७. पुलिनपूजकत्थेरअपदानं

१६५. ‘‘विपस्सिस्स भगवतो, बोधिया पादपुत्तमे;

पुराणपुलिनं हित्वा [छड्डेत्वा (सी. स्या.)], सुद्धपुलिनमाकिरिं.

१६६. ‘‘एकनवुतितो कप्पे, यं पुलिनमदासहं;

दुग्गतिं नाभिजानामि, पुलिनदानस्सिदं फलं.

१६७. ‘‘तिंसतिमे [तिपञ्ञासे (सी. स्या.)] इतो कप्पे, राजा आसिं जनाधिभू;

महापुलिननामेन, चक्कवत्ती महब्बलो.

१६८. ‘‘पटिसम्भिदा चतस्सो, विमोक्खापि च अट्ठिमे;

छळभिञ्ञा सच्छिकता, कतं बुद्धस्स सासनं’’.

इत्थं सुदं आयस्मा पुलिनपूजको थेरो इमा गाथायो अभासित्थाति.

पुलिनपूजकत्थेरस्सापदानं सत्तमं.