२. फलदायकत्थेरअपदानं

५. ‘‘सिनेरुसमसन्तोसो, धरणीसम [धरणीधर (सी. स्या.)] सादिसो;

वुट्ठहित्वा समाधिम्हा, भिक्खाय ममुपट्ठितो.

६. ‘‘हरीतकं [हरीतकिं (स्या.)] आमलकं, अम्बजम्बुविभीतकं;

कोलं भल्लातकं बिल्लं, फारुसकफलानि च.

७. ‘‘सिद्धत्थस्स महेसिस्स, सब्बलोकानुकम्पिनो;

तञ्च सब्बं मया दिन्नं, विप्पसन्नेन चेतसा.

८. ‘‘चतुन्नवुतितो कप्पे, यं फलं अददिं तदा;

दुग्गतिं नाभिजानामि, फलदानस्सिदं फलं.

९. ‘‘सत्तपञ्ञासितो कप्पे, एकज्झो नाम खत्तियो;

सत्तरतनसम्पन्नो, चक्कवत्ती महब्बलो.

१०. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा फलदायको थेरो इमा गाथायो अभासित्थाति.

फलदायकत्थेरस्सापदानं दुतियं.