१०. तरणीयत्थेरअपदानं

३८. ‘‘महापथम्हि विसमे, सेतु कारापितो मया;

तरणत्थाय लोकस्स, पसन्नो सेहि पाणिभि.

३९. ‘‘एकनवुतितो कप्पे, यो सेतु कारितो मया;

दुग्गतिं नाभिजानामि, सेतुदानस्सिदं फलं.

४०. ‘‘पञ्चपञ्ञासितो कप्पे, एको आसिं समोगधो;

सत्तरतनसम्पन्नो, चक्कवत्ती महब्बलो.

४१. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा तरणीयो थेरो इमा गाथायो अभासित्थाति.

तरणीयत्थेरस्सापदानं दसमं.

सुवण्णबिब्बोहनवग्गो अट्ठवीसतिमो.