८. सळलपुप्फियत्थेरअपदानं

३०. ‘‘चन्दभागानदीतीरे, अहोसिं किन्नरो तदा;

विपस्सिं अद्दसं बुद्धं, रंसिजालसमाकुलं.

३१. ‘‘पसन्नचित्तो सुमनो, परमाय च पीतिया;

पग्गय्ह सळलं पुप्फं, विपस्सिं ओकिरिं अहं.

३२. ‘‘एकनवुतितो कप्पे, यं पुप्फमभिपूजयिं;

दुग्गतिं नाभिजानामि, बुद्धपूजायिदं फलं.

३३. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सळलपुप्फियो थेरो इमा गाथायो अभासित्थाति.

सळलपुप्फियत्थेरस्सापदानं अट्ठमं.