४. पदीपदायकत्थेरअपदानं

१४. ‘‘देवभूतो अहं सन्तो, ओरुय्ह पथविं तदा;

पदीपे पञ्च पादासिं, पसन्नो सेहि पाणिभि.

१५. ‘‘चतुन्नवुतितो कप्पे, यं पदीपमदं तदा;

दुग्गतिं नाभिजानामि, दीपदानस्सिदं फलं.

१६. ‘‘पञ्चपञ्ञासके कप्पे, एको आसिं महीपति;

समन्तचक्खुनामेन, चक्कवत्ती महब्बलो.

१७. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा पदीपदायको [अपण्णदीपियो (सी. क.)] थेरो इमा गाथायो अभासित्थाति.

पदीपदायकत्थेरस्सापदानं चतुत्थं.