३. चितकपूजकत्थेरअपदानं

९. ‘‘आनन्दो नाम सम्बुद्धो, सयम्भू अपराजितो;

अरञ्ञे परिनिब्बायि, अमनुस्सम्हि कानने.

१०. ‘‘देवलोका इधागन्त्वा, चितं कत्वानहं तदा;

सरीरं तत्थ झापेसिं, सक्कारञ्च अकासहं.

११. ‘‘एकनवुतितो कप्पे, यं कम्ममकरिं तदा;

दुग्गतिं नाभिजानामि, बुद्धपूजायिदं फलं.

१२. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा चितकपूजको थेरो इमा गाथायो अभासित्थाति.

चितकपूजकत्थेरस्सापदानं ततियं.