४. तिचम्पकपुप्फियत्थेरअपदानं

१३. ‘‘हिमवन्तस्साविदूरे, विकतो [विकनो (सी. स्या.)] नाम पब्बतो;

तस्स वेमज्झे वसति, समणो भावितिन्द्रियो.

१४. ‘‘दिस्वान तस्सोपसमं, विप्पसन्नेन चेतसा;

तीणि चम्पकपुप्फानि, गहेत्वान समोकिरिं.

१५. ‘‘एकनवुतितो कप्पे, यं पुप्फमभिपूजयिं;

दुग्गतिं नाभिजानामि, बुद्धपूजायिदं फलं.

१६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा तिचम्पकपुप्फियो थेरो इमा गाथायो अभासित्थाति.

तिचम्पकपुप्फियत्थेरस्सापदानं चतुत्थं.