९. बिम्बिजालियत्थेरअपदानं

३०. ‘‘पदुमुत्तरो नाम जिनो, सयम्भू अग्गपुग्गलो;

चतुसच्चं पकासेति, दीपेति अमतं पदं.

३१. ‘‘बिम्बिजालकपुप्फानि [बिम्बजालकपुप्फानि (क.)], पुथु कत्वानहं तदा;

बुद्धस्स अभिरोपेसिं, द्विपदिन्दस्स तादिनो.

३२. ‘‘अट्ठसट्ठिम्हितो कप्पे, चतुरो किञ्जकेसरा;

सत्तरतनसम्पन्ना, चक्कवत्ती महब्बला.

३३. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा बिम्बिजालियो थेरो इमा गाथायो अभासित्थाति.

बिम्बिजालियत्थेरस्सापदानं नवमं.