१०. उद्दालकदायकत्थेरअपदानं

३४. ‘‘ककुधो नाम नामेन, सयम्भू अपराजितो;

पवना निक्खमित्वान, अनुप्पत्तो महानदिं.

३५. ‘‘उद्दालकं गहेत्वान, सयम्भुस्स अदासहं;

संयतस्सुजुभूतस्स, पसन्नमानसो अहं.

३६. ‘‘एकत्तिंसे इतो कप्पे, यं पुप्फमभिपूजयिं;

दुग्गतिं नाभिजानामि, पुप्फदानस्सिदं फलं.

३७. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा उद्दालकदायको थेरो इमा गाथायो अभासित्थाति.

उद्दालकदायकत्थेरस्सापदानं दसमं.

तुवरदायकवग्गो पञ्चवीसतिमो.