२. नागकेसरियत्थेरअपदानं

४. ‘‘धनुं अद्वेज्झं कत्वान, वनमज्झोगहिं अहं;

केसरं ओगतं [ओसरं (स्या.), ओसटं (सी.)] दिस्वा, पतपत्तं समुट्ठितं.

५. ‘‘उभो हत्थेहि पग्गय्ह, सिरे कत्वान अञ्जलिं;

बुद्धस्स अभिरोपेसिं, तिस्सस्स लोकबन्धुनो.

६. ‘‘द्वेनवुते इतो कप्पे, यं पुप्फमभिपूजयिं;

दुग्गतिं नाभिजानामि, बुद्धपूजायिदं फलं.

७. ‘‘तेसत्ततिम्हि कप्पम्हि [सत्तसत्ततिमे कप्पे (स्या.)], सत्त केसरनामका;

सत्तरतनसम्पन्ना, चक्कवत्ती महब्बला.

८. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा नागकेसरियो थेरो इमा गाथायो अभासित्थाति.

नागकेसरियत्थेरस्सापदानं दुतियं.