२. पानधिदायकत्थेरअपदानं

६. ‘‘आरञ्ञिकस्स इसिनो, चिररत्ततपस्सिनो [झायिनो, मेत्तचित्ततपस्सिनो (स्या.)];

बुद्धस्स [धम्मस्स (स्या. क.)] भावितत्तस्स, अदासिं पानधिं अहं.

७. ‘‘तेन कम्मेन द्विपदिन्द, लोकजेट्ठ नरासभ;

दिब्बयानं [सब्बं यानं (सी.)] अनुभोमि, पुब्बकम्मस्सिदं फलं.

८. ‘‘चतुन्नवुते इतो कप्पे, यं कम्ममकरिं तदा;

दुग्गतिं नाभिजानामि, पानधिस्स इदं फलं.

९. ‘‘सत्तसत्ततितो कप्पे, अट्ठ आसिंसु खत्तिया;

सुयाना नाम नामेन, चक्कवत्ती महब्बला.

१०. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा पानधिदायको थेरो इमा गाथायो अभासित्थाति.

पानधिदायकत्थेरस्सापदानं दुतियं.