९. नवमसिक्खापदवण्णना

१०१५-६. नवमे – बाहिरकं अनत्थसंहितन्ति हत्थिअस्सरथधनुथरुसिप्पआथब्बणखीलनवसीकरणसोसापनमन्तागदप्पयोगादिभेदं परूपघातकरं. परित्तन्ति यक्खपरित्तनागमण्डलादिभेदं सब्बम्पि वट्टति. सेसं उत्तानमेव.

पदसोधम्मसमुट्ठानं – वाचतो वाचाचित्ततो च समुट्ठाति, किरियं, नोसञ्ञाविमोक्खं, अचित्तकं, पण्णत्तिवज्जं, वचीकम्मं, तिचित्तं, तिवेदनन्ति.

नवमसिक्खापदं.