६. छट्ठसिक्खापदवण्णना

९०९-१०. छट्ठे – अञ्ञं परिक्खारन्ति यंकिञ्चि थालकादीनं वा सप्पितेलादीनं वा अञ्ञतरं. आनिसंसन्ति ‘‘कित्तकं अग्घनकं दातुकामत्था’’ति पुच्छति, ‘‘एत्तकं नामा’’ति वदन्ति, ‘‘आगमेथ ताव, इदानि वत्थं महग्घं, कतिपाहेन कप्पासे आगते समग्घं भविस्सती’’ति एवं वत्वा निवारेन्तिया अनापत्ति. सेसं उत्तानमेव.

तिसमुट्ठानं – किरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, तिवेदनन्ति.

छट्ठसिक्खापदं.