९. नवमसङ्घादिसेससिक्खापदवण्णना

७२३. नवमे – संसट्ठाति मिस्सीभूता. अननुलोमिकेनाति पब्बजितानं अननुलोमेन कायिकवाचसिकेन. संसट्ठाति गिहीनं कोट्टनपचनगन्धपिसनमालागन्थनादिना कायिकेन सासनपटिसासनाहरणसञ्चरित्तादिना वाचसिकेन च संसट्ठा. पापो कित्तिसद्दो एतासन्ति पापसद्दा. पापो आजीवसङ्खातो सिलोको एतासन्ति पापसिलोका. सेसं उत्तानमेव सद्धिं समुट्ठानादीहीति.

नवमसिक्खापदं.