४. चतुत्थसङ्घादिसेससिक्खापदवण्णना

६९४-८. चतुत्थे – पादपीठं नाम धोतपादट्ठपनकं. पादकठलिका नाम अधोतपादट्ठपनकं. अनञ्ञाय गणस्स छन्दन्ति तस्सेव कारकगणस्स छन्दं अजानित्वा. वत्ते वत्तन्तिन्ति तेचत्तालीसप्पभेदे नेत्थारवत्ते वत्तमानं. सेसं उत्तानमेव.

धुरनिक्खेपसमुट्ठानं – कायवाचाचित्ततो समुट्ठाति, किरियाकिरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, दुक्खवेदनन्ति.

चतुत्थसिक्खापदं.