५. दुतियसरणानिसक्कसुत्तवण्णना

१०२१. पञ्चमे दुक्खेत्तन्ति विसमखेत्तं. दुब्भूमन्ति ऊसरभूमिं लोणूपहतं. खण्डानीति परिभिन्नानि. पूतीनीति उदकेन तेमेत्वा पूतिभावं आपन्नानि. वातातपहतानीति वातातपेन हतत्ता निरोजभावं गतानि. असारादानीति अनादिन्नसारानि अगहितसारानि. असुखसयितानीति न कोट्ठादीसु पक्खिपित्वा सुट्ठु ठपितानि. सुखसयितानीति ठपितट्ठानतो चत्तारो मासे अचलितानि.