७. दुतियअविज्जापहानसुत्तवण्णना

८०. सत्तमे सब्बे धम्माति सब्बे तेभूमकधम्मा. नालं अभिनिवेसायाति अभिनिवेसपरामासग्गाहेन गण्हितुं न युत्ता. सब्बनिमित्तानीति सब्बानि सङ्खारनिमित्तानि. अञ्ञतो पस्सतीति यथा अपरिञ्ञाताभिनिवेसो जनो पस्सति, ततो अञ्ञतो पस्सति. अपरिञ्ञाताभिनिवेसो हि जनो सब्बनिमित्तानिपि अत्ततो पस्सति. परिञ्ञाताभिनिवेसो पन अनत्ततो पस्सति, नो अत्ततोति एवं इमस्मिं सुत्ते अनत्तलक्खणमेव कथितं.